Kev Yuam Txiav Nyiaj Them Yug Me Nyuam thiab Cov Nqi Them

Tus Txheej Txheem Qhia Txog Kev Teev Tus Nqi Them Yug Me Nyuam

Kho Dua Tshiab 1 Hlis Ntuj 2010

Thov nco tsoov hais tias cov txheej txheem hloov no tsis yog "tej yam hloov loj" rau kev txiav txim rov muab los hais dua los yog muab hloov.

Cov Txheej Txheem Feem Pua Ntawm Cov Nyiaj Khwv Tau Los muab kev qhia txog tus txheej txheem rau Wisconsin cov tsev hais plaub teev tus nqi them nyiaj yug me nyuam thiab cov nqi pab rau kev kho mob. Cov txheej txheem no muaj los ntawm txoj kev ntseeg hais tias leej niam thiab leej txiv muaj lub luag hauj lwm txhawb yug nkawd cov me nyuam, txawm lawv nyob ua ke los tsis nyob.

Cov txheej txheem them nyiaj yug me nyuam yog laij raws li

• Leej niam/txiv cov nyiaj khwv tau los
• Cov sij hawm tus me nyuam nyob nrog leej niam thiab nrog leej txiv
• Seb leej niam/txiv puas muaj lwm cov me nyuam uas nws tau yug thiab

Nyob rau tej qho tshwj xeeb, lub tsev hais plaub kuj yuav siv tus Txheej Txheem Feem Pua Ntawm Cov Nyiaj Khwv Tau Los los yog yuav siv lwm cov txheej txheem los teev tus nqi them yug. Tej qho tshwj xeeb kuj muaj xws li:

• Cov niam txiv uas khwv tau nyiaj ntau
• Cov niam txiv uas khwv tau nyiaj tsawg
• Cov niam txiv uas yug ntau tshaj ib tse neeg
• Cov niam txiv uas muab chaw rau cov me nyuam nyob sib npaug zos (lub tsev hais pluab txoj kev txiav txim hais tias cov niam txiv uas sib pab muab chaw rau cov me nyuam nyob yam tsawg kawg li ntawm 25% - yam tsawg kawg yog 92 hnub hauv ib lub xyoos)
• Cov niam txiv uas muab lawv cov me nyuam sib faib (lub tsev hais plaub yuav txiav txim muab ib tug/cov me nyuam rau leej niam ces muab ib cov rau leej txiv)

Thov nco ntsoov: Tej zaum lub tsev hais plaub yuav txiav txim kom tus niam los tus txiv them nyiaj yug ntau dua, los tsawg dua tus nqi teev hauv qhov tus Txheej Txheem Feem Pua Ntawm Cov Nyiaj Khwv Tau Los yog lub tsev hais plaub txiav txim tias tus txheej txheem ntawd yuav tsis muab kev ncaj rau tus me nyuam los yog rau leej niam los leej txiv. Lub tsev hais pluab yuav tau nco ntsoov tias yog vim li cas nws thiaj tsis siv cov txheej txheem.

Rov mus rau Tsev Hais Plaub Kev Txiav Txim Kom Them Nyiaj Yug Me Nyuam