Qhia Txog Lub Luag Hauj Lwm Ntawm Txoj Kev Pab Cuam Txog Phab Kev Them Yug Me Nyuam
Peb Hlis Ntuj 2008
- Ntaub ntawv (Yuav muab luam tawm ua ib phau me nyuam ntawv, siv Acrobat Reader (Lus Mis Kas), muab los rau hauv koj lub computer dawb xwb)
- Qhia ntxiv txog nyiaj them yug me nyuam
Kev pab cuam hauv Wisconsin Child Support Program yog ib txoj kev koom tes los ntawm lub xeev, cov koom haum hauv nroog thiab cov koom haum ntiav. Tej hauj lwm ntawm kev koom tes no yuav muaj kev sib tshuam uas ua rau tsis nkag siab zoo.
- Koom haum saib xyuas txog phab kev txiav nyiaj them yug me nyuam
(Child Support Agencies): Wisconsin muaj cov koom haum saib xyuas
txog phab kev txiav nyiaj them yug me nyuam nyob rau 71 lub nroog uas
muab kev pab lis thiab tuav ntaub ntawv rau ntau tshaj 360,000 rooj
plaub hais txog them nyiaj yug me nyuam. Cov koom haum saib xyuas txog
phab kev txiav nyiaj them yug me nyuam ua hauj lwm nrog rau lub tsev
hais plaub, cov hoob kas tub ceev xwm hauv nroog, thiab lwm cov koom
haum uas pab txheeb xyuas kev pab cuam txog them yug me nyuam. Txhua lub
koom haum txais los yog cog lus ntiav cov kws lij choj ua hauj lwm sawv
cev rau phab kev them nyiaj yug me nyuam muab kev pab rau phab kev cai
lij choj. Cov kws lij choj saib txog phab kev them nyiaj yug me nyuam
sawv cev rau lub xeev, tsis yog rau cov niam txiv. (Ib txhia Tribal
Child Support Agencies kuj muab keb pab zoo tib yam li no rau lawv cov
neeg thiab.)
- Tsev Hais Plaub (Court - Circuit Courts and Family Court
Commissioners): Cov tsev hais plaub hauv Wisconsin nyias muaj nyias
kev sib hais thiab txiav txim. Cov tsev hais plaub xwb thiaj muaj cai
txiav txim rau kev them nyiaj yug me nyuam, ntawv kho mob, thiab kho (pauv)
txoj kev txiav txim them nyiaj yug me nyuam. Cov tsev hais plaub muaj
cai tsub lub txiv nplua thiab txim raug kaw.
- Trust Fund - The Wisconsin Support Collections Trust Fund:
Lub Trust Fund yog qhov chaw nruab nrab leg cov nyiaj them yug uas sau
tau los thiab muab teev, kho, thiab xa tawm.
- Bureau of Child Support (Hoob Kas Xyuas Txog Kev Them Nyiaj Yug Me Nyuam): Lub Bureau of Child Support yog lub xeev qhov chaw ua hauj lwm uas saib xyuas thiab tswj cov kev pab cuam Wisconsin Child Support Program. Lub hoob kas no lub luag hauj lwm yog teev lub xeev cov cai thiab muab kev pab rau cov koom haum saib xyuas txog phab kev txiav nyiaj them yug me nyuam. Lub Bureau no yog qhov chaw khiav cov computer rau cov nyiaj them yug me nyuam hu ua KIDS thiab xyuas txog lub Wisconsin Support Collections Trust Fund.
Lub Luag Hauj Lwm Ntawv Kev Pab Cuam
- Nrhiav Leej Txiv Ntawm Tus me Nyuam/leej txiv raws cai
- Kev Txhawb Kom Tau Nyiaj Them Yug
- Tswj Kom Ua Raws Li Tsev Hais Plaub Txiav Txim
- Kev Pab Rau Cov Qhua Tuaj Saib (Customer Service) Cov niam txiv, cov chaw ua hauj lwm, cov pej xeem, lwm cov xeev thiab lwm cov teb chaws
- Tau Cai Tau/Saib Xyuas Me Nyuam
- Tswj Nyiaj Txiag
- Lwm Cov Hauj Lwm
Nrhiav Leej Txiv Ntawm Tus me Nyuam/leej txiv raws cai
Koom haum saib xyuas txog phab kev txiav nyiaj them yug me nyuam
- Koom tes nrog cov niam txiv nrhiav kom tau leej txiv ntawm tus me nyuam
- Nug cov niam, los yog cov txiv neej uas lawv ntseeg hais tias lawv yog leej txiv ntawm tus me nyuam es mus thov kev pab cuam
- Pab ntsuas seb puas yog leej txiv tiag
- Siv kev cai lij choj txheeb kom tau leej txiv
- Sau kom tau cov nyiaj uas them cov nqi thaum yug tus me nyuam mos rov qab
Tsev Hais Plaub
- Hais cov plaub txog kev nrhiav leej txiv
- Txiav txim txog ntawm leej txiv
Bureau of Child Support
- Muab kev pab rau cov koom haum saib xyuas txog phab kev txiav nyiaj them yug me nyuam ntawm cov cai thiab cov txheej txheem
- Muab kev qhia thiab ntaub ntawv rau cov tsev kho mob hais txog Voluntary Paternity Acknowledgment (Kev Lees Paub Hais Tias Yog Leej Txiv)
- Teb cov niam txiv, cov koom haum saib xyuas txog phab kev txiav nyiaj them yug me nyuam, thiab cov neeg ua hauj lwm hauv cov tsev kho mob tej lus nug txog Voluntary Paternity Acknowledgment
Kev Txhawb Kom Tau Nyiaj Them Yug
Koom haum saib xyuas txog phab kev txiav nyiaj them yug me nyuam
- Teem sij hawm mus sib hais hauv tsev hais plaub
- Muab kev pom zoo ntawm tus nqi them nyiaj yug me nyuam thiab ntawv kho mob raws li tus txheej txheem Child Support Percentage of Income Standard thiab Wisconsin kev cai lij choj rau tsev hais plaub
- Teb rau cov niam txiv uas thov kom rov muab lawv txoj kev txiav txim ntawm kev them nyiaj yug me nyuam rov los xyuas dua
- Muab kev pom zoo ntawm tus nqi them yug rau tsev hais plaub txiav txim thaum tus nqi them nyiaj yug tsis raws li hauv Child Support Percentage of Income Standard (Tus Txheej Txheem Txog Kev Pauv thiab Xaus Kev Them Nyiaj Yug Me Nyuam) los yog tsis muaj them ntawv kho mob
- Sau cov lus pom zoo (ntawm ob tug kws lij choj) nrog rau cov niam txiv (Cov lus pom zoo no yuav tsum tau kev pom zoo los ntawm lub tsev hais plaub thiaj tseeb.)
- Xyuas cov lus pom zoo uas cov niam txiv sau ua ntej yuav muab mus rau tsev hais plaub ceev cia
Tsev Hais Plaub
- Nrhiav kom muaj tseeb hais tias yeej them nyiaj yug me nyuam tau
- Teev cov kev txiav txim thiab teeb cov nqi them yug thiab ntawv kho mob
- Txiav txim seb tus nqi them yug me nyuam puas tsim nyog muab pauv
- Xyuas cov lus pom zoo raws cai ntawm ob tag niam txiv, thiab txiav txim seb puas tsim nyog txais txoj kev pom zoo
Bureau of Child Support
- Rov tshawb xyuas cov txheej txheem Child Support Percentage of Income Standard txhua pluab xyoos twg kom muaj raws li tseem fwv txoj cai txheeb seb puas tsim nyog pauv
Tswj Kom Ua Raws Li Tsev Hais Plaub Txiav Txim
Koom haum saib xyuas txog phab kev txiav nyiaj them yug me nyuam
- Nrhiab cov niam cov txiv
- Soj ntsuam cov rooj plaub kom them nyiaj yug me nyuam raws li tsev hais plaub txiav txim
- Tshawb nrhiav seb yog vim li cas thiaj tsis ua raws li kev txiav txim
- Hu nug cov niam cov txiv uas poob qab tsis them nyiaj yug
- Txheeb nyiaj hli thiab hauj lwm thiab xa ntawv ceeb toom kom chaw ua hauj lwm txiav nyiaj them yug
- Hu mus nug qhov chaw ua hauj lwm seb tus niam/txiv ntawd puas muaj ntawv kho mob
- Npaj cov lus pom zoo ntawm ob tus kws lij choj (tsab ntawv raws cai) mus rau tsev hais plaub muab kev pom zoo
- Nrog cov niam txiv ua raug them nyiaj yug npaj lawv txoj kev them cov nqi uas dhau lawm
- Hais kom tsev hais plaub pom hais tias yeej txhob txwm yuam cai tsis ua raws li tsev hais plaub tau txiav txim rau
- Hais kom tsev hais plaub yuam kom muaj qhov Children First thiab/los yog “nrhiav hauj lwm” (“work search”) (Tsis yog txhua lub nroog thiab pab pawg neeg yuav muaj qhov kev pab cuam Children First.)
- Xyuas seb kev taug qab tswj txoj cai puas tsim nyog (xws li, tsis muab lais xees)
- Xa cov niam txiv uas yeej poob qab them nyiaj yug ntau heev lawm mus rau tom tus kws lij choj hauv nroog seb puas yuav tsub tau lub txim yuam cai uas tsis them nyiaj yug rau
Tsev Hais Plaub
- Teeb cov zwj ceeb rau thaum yog hais tias tsis them nyiaj yug me nyuam thiab cov nqi uas twb dhau lawm
- Hais kom yuav tsum “nrhiav hauj lwm” (work search” activities) thiab/los yog zwm npe rau hauv Children First (Tsis yog txhua lub nroog thiab pab pawg neeg yuav muaj qhov kev pab cuam Children First program.)
- Tso cai muab tsab ntawv plov meej mus ntes thiab muab kawv hauv lub tsev kaw neeg hauv nroog
- Xyuas seb tus niam/txiv ntawd puas txhaum cai ntawm tsev hais plaub kev txiav txim thiab yog hais tias tau ntawv nplov meej lawm, puas yuav pom tau hais tias yeej txhob txwm yuam cai
Bureau of Child Support
- Khiav cov KIDS computer system uas yog soj qab seb puas ua raws li tsev hais plaub kev txiav txim
- Lis cov Child Support Lien Docket (Ntawv teev cov npe uas muab khoom muaj nqis tuav tseg rau tej nqi them yug uas dhau lawm tsis tau them)
- Pab nrog lwm lub xeev nrhiav leej niam/txiv raws li lawv kev thov
- Foob tus neeg uas tsis them nqi mus rau cov credit bureaus
Kev Pab Rau Cov Qhua Tuaj Saib (Customer Service)
(Cov niam txiv, cov chaw ua hauj lwm, cov pej xeem, lwm cov xeev thiab lwm
cov teb chaws)
Koom haum saib xyuas txog phab kev txiav nyiaj them yug me nyuam
- Muab kev pab cov niam/txiv, lawv cov kws lij choj, chaw ua hauj lwm, thiab lwm lub xeev teb cov ntaub ntawv xws li cov ntawv xa tuaj thiab xa hauv fax thiab e-mail, cov xov tooj, thiab kev sib cuag hauv hoob kas.
Tsev Hais Plaub
- Txwv tsis pub muaj kev sib ntsib los yog sib tham nrog cov neeg uas tsis muaj dab tsis hauv cov rooj plaub no (Qhov nov hu ua “ex parte communication.”)
Trust Fund
- Saib xyuas cov KIDS Information Line thiab kev sib cev ncauj lus
- Teb tej ntaub ntawv thiab xov tooj ntawm cov niam txiv uas muaj kev txhawj xeeb txog kev sau nyiaj thiab them nyiaj
- Muab kev pab cov chaw ua hauj lwm thiab lwm cov xeev txog kev txiav nyiaj
- Muab kev pab txog ntawm kev them nyiaj Pay-by-Phone (hauv xov tooj) thiab Direct Deposit (tso nyiaj ncaj qha mus rau tom lub txhab cia nyiaj)
- Pab muab ntaub ntawv rau cov chaw ua hauj lwm lis kev txiav nyiaj
- Xyuas txog kev pauv hauj lwm, thiab ceev cov chaw nyob ntawm cov chaw ua hauj lwm thiab cov neeg uas raug them
Bureau of Child Support
- Luam thiab xa cov Monthly Statement of Account tawm
- Teb rau cov koom haum saib xyuas txog phab kev txiav nyiaj them yug me nyuam cov lus tsis txaus siab txog kev pab rau neeg ntawm lub Trust Fund
- Daws tej lus tsis txaus siab ntawm cov niam txiv, cov nom tswv tsim cai, thiab cov chaw ua hauj lwm txog kev ua hauj lwm
- Saib xyuas Child Support Online Services lub website kom teev meej meej txog tej kev them nyiaj rau cov niam txiv thiab lwm cov chaw uas muab kev pab cuam txog phab no
Tau Cai Tau/Saib Xyuas Me Nyuam
Koom haum saib xyuas txog phab kev txiav nyiaj them yug me nyuam
- Tsis muaj hauj lwm dab tsi li
Tsev Hais Plaub
- Txiav txim muab cai tau me nyuam thiab muab chaw rau me nyuam nyob (saib xyuas me nyuam)
- Xa cov niam txiv uas hais tsis sib haum txog kev tau cai tau me nyuam/saib xyuas me nyuam mus rau tom tsev hais plaub rau tsev neeg kev sib kho (mediation)
Bureau of Child Support
- Tsis muaj hauj lwm dab tsi li
Tswj Nyiaj Txiag
Koom haum saib xyuas txog phab kev txiav nyiaj them yug me nyuam
- Teev tsev hais plaub kev txiav txim txog tej nyiaj txiag rau hauv KIDS computer system, thiab xyuas kho cov nyiaj txiag hauv cov account hauv KIDS kom meej
- Muab kev pab rau cov niam txiv txog tej nyiaj them
- Ceev cov ntaub ntawv teev cov nyiaj them ua ntej siv KIDS
Trust Fund
- Lis cov nyiaj them yug me nyuam tuaj ntawm cov niam/txiv, cov chaw ua hauj lwm, thiab lwm cov xeev tuaj
- Xa nyiaj them yug me nyuam mus rau cov tsev neeg, lwm lub xeev, thiab cov koom haum nyob rau lwm lub xeev thiab tseem fwv
- Kho tej nyiaj uas sau tau thiab them tawm
- Teb txog tej nyiaj them tuaj es muab tso tsis yog kis lawm
Bureau of Child Support
- Soj ntsuam qhov chaw nruab nrab lis tej nyiaj them tuaj
Lwm Cov Hauj Lwm
Koom haum saib xyuas txog phab kev txiav nyiaj them yug me nyuam
- Ua raws li tseem fwv cov cai
- Ua hauj lwm nrog lub nroog/lub xeev tawm kev caim tshiab
- Cog lus koom tes ua hauj lwm nrog cov tub ceev xwm hauv nroog, thiab lwm cov nom tswv thiab koom haum leg ntau txoj hauj lwm hauv cov kev pab cuam (xws li, leg tej hauj lwm)
Bureau of Child Support
- Cog lus koom tes ua hauj lwm nrog cov koom haum hauv nroog thiab pab pawg neeg muab kev pab cuam txog kev them nyiaj yug me nyuam thiab Children First (Tsis yog txhua lub nroog thiab pab pawg neeg yuav muaj kev pab cuam Children First.)
- Xyuas cov KIDS child support computer system
- Sau cov ntawv cob qhia thiab muab kev cob qhia txog phab kev them nyiaj yug me nyuam rau cov koom haum saib xyuas txog phab kev txiav nyiaj them yug me nyuam
- Xyuas txog tej kev cai thiab txheej txheem kev taug thiab luam tej ntaub ntawv
- Xyuas txog Child Support Program Internet lub website (childsupport.wisconsin.gov)
- Muab kev qhia tej hauj lwm hauv cov kev pab cuam rau kev them nyiaj yug me nyuam mus rau tseem fwv lub hoob kas Office of Child Support Enforcement (OCSE)
- Saib xyuas tas nrho cov ntawv cog lus uas ntiav cov chaw khiav lub Trust Fund
- Saib xyuas tas nrho cov ntawv cog lus uas ntiav cov chaw khiav Wisconsin Support Collections Debit Card
rov mus lawm saud
Rov mus rau: Lus Qhia rau Cov Niam Txiv
Qhia ntxiv txog nyiaj them yug me nyuam
- Kev pab cuam
- Leej Txiv Raws Txoj Cai
- Cov nqi tes
- Hais kom tau nyiaj them yug
- Them nyiaj yug
- Teev nqi them yug
- Hloov los yog tso kev them nyiaj yug tseg
- Cov Koom Haum Saib Xyuas Txog Phab Kev Txiav nyiaj Them Yug Me Nyuam
- Cov cai thiab lub luag hauj lwm
- Them cov nqi thaum yug tus me nyuam rov qab
- Cov niam txiv uas nyob lwm lub xeev los yog lwm lub teb chaws
- Cov nyiaj them yug uas dhau lawm
- Kev Txiav Nyiaj Them Yug Me Nyuam thiab Cov Kev Pab Cuam
- Kev qhia pab rau cov niam txiv
- Lub luag hauj lwm ntawm cov kev pab cuam
- Cov lus siv rau phab no
rov mus lawm saud
Rov mus rau: Lus Qhia rau Cov Niam Txiv
Updated
October 25, 2011
Lus Qhia rau Cov Niam Txiv (Hmoob)