Cov Kev Pab Cuam Hauv Phab Kev Txiav Nyiaj Them Yug Me Nyuam

1 Hlis Ntuj 2011

Tseem Ceeb Yuav Tsum Paub

Txhua tsev neeg uas them thiab tau txais kev pab cuam tau kev pab nyiaj txiag. Kev pab muaj xws li nyiaj them yug me nyuam, them yug tsev neeg, thiab them yug tus niam los tus txiv. Wisconsin txoj cai hais tias tas nrho cov nyiaj them tuaj mus yug thiab them tawm yuav tsum mus rau hauv Wisconsin Support Collections Trust Fund.

Tau kev txiav txim los ntawm tsev hais plaub tsis tau txhais hais tias tsev neeg yuav tau kev pab nrog lis ntaub ntawv hauv lawv lub nroog los yog hauv pawg neeg lub kom haum saib xyuas txog phab kev txiav nyiaj them yug me nyuam. Kev pab nrog lis ntaub ntawv feem ntau hu ua "kev pab hais txog nyiaj them yug me nyuam."

Cov niam txiv thiab cov muaj cai saib xyuas me nyuam uas xav tau kev pab lis ntaub ntawv yuav tau ua ntawv thov cov kev pab no nyob rau ntawm lawv cov koom haum saib xyuas txog phab kev txiav nyiaj them yug me nyuam. Cov niam txiv yuav nqa tau cov ntawm no ntawm lawv cov koom haum saib xyuas txog phab kev txiav nyiaj them yug me nyuam, los yog lawv yuav luam tau cov ntawv no hauv childsupport.wisconsin.gov. Wisconsin tsis yuav nqi tes rau cov ntaub ntawv, tiam sis tej zaum yuav muaj lwm yam nqi tes.

Muaj ntau yam ntxiv txog:

Cov tsev neeg uas tau kev pab cuam yuav tau txais kev pab nrog lis ntaub ntawv. Cov kev pab cuam muaj xws li W-2, Wisconsin Shares (pab zov me nyuam), SSI Caretaker Supplement, Kinship Care, thiab cov kev pab tu me nyuam (foster care) uas yog tau nyiaj pab los ntawm tseem fwv. Cov tsev neeg nyob rau hauv BadgerCare Plus kev pab cuam uas raug xa mus rau hauv koom haum saib xyuas txog phab kev txiav nyiaj them yug me nyuam yeej tau kev pab tag nrho. Cov kev pab feem ntau yeej tsis tau them nyiaj yog lawv tau nyiaj ntsuab.

rov mus lawm saud

Kev pab hais txog nyiaj them yug me nyuam

Nyob hauv Wisconsin, lub nroog thiab pab pawg neeg cov koom haum saib xyuas txog phab kev txiav nyiaj them yug me nyuam muab kev pab lis ntau ntawv.

rov mus lawm saud

Nrhiav tus niam txiv uas ploj lawm

Koom hauv saib xyuas txog phab kev txiav nyiaj them yug me nyuam muaj ntau yam kev pab nrog nrhiav tus niam txiv uas ploj lawm thiab lawv cov nyiaj hli. Piv txwv:

  • KIDS, lub xeev qhov child support computer system, yuav mus xyuas tau Wisconsin lwm cov computer systems (xws li Wisconsin’s Department of Transportation thiab Department of Natural Resources).
  • Kev saib xyuas txog phab kev txiav nyiaj them yug me nyuam mus tshawb tau cov neeg ua hauj lwm uas muaj npe tawm hais tias nyuam qhuav tau hauj lwm tshiab thoob teb chaws nyob hauv qhov New Hire reporting program.
  • Kev saib xyuas txog phab kev txiav nyiaj them yug me nyuam yeej hais tau kom lwm lub xeev nrog nhriav tus niam/txiv yog nws tsiv mus rau lwm lub xeev lawm.

rov mus lawm saud

Tsim tsa kom muaj leej txiv raws txoj cai

Tus niam thiab tus txiv yeej thov tau kom cov koom haum saib xyuas txog phab kev txiav nyiaj them yug me nyuam pab nrog tsim tsa kom muaj leej txiv raws txoj cai. Yog tus me nyuam xeeb los yog yug thaum tus niam thiab tus txiv tseem sib yuav, tus txiv yog leej txiv raws txoj cai. Yog tias leej niam thiab leej txiv tsis tau sib yuav, yuav tau tsim tsa kom muaj leej txiv raws txoj cai ua ntej tsev hais plaub yuav txiav txim kom them nyiaj yug me nyuam. Txawm tias leej niam thiab leej txiv nyob ua ke, kev tsim tsa kom muaj leej txiv raws txoj cai yuav nrog xyuas rau kom tus me nyuam muaj txoj cai thiab leej niam thiab leej txiv muaj cai rau ntawm tus me nyuam. Cov koom haum saib xyuas txog phab kev txiav nyiaj them yug me nyuam muaj kev tshuaj ntsuam seb puas yog leej txiv uas raug tus nqi tsis kim.

rov mus lawm saud

Tsev hais plaub kev txiav txim kom them nyiaj yug me nyuam

Lub koom haum saib xyuas txog phab kev txiav nyiaj them yug me nyuam yuav hais kom tsev hais plaub txiav ib tug nqi them yug me nyuam thiab kom muaj ntawv kho mob. Tsuas yog tsev hais plaub thiaj teev tau thiab hloov tau tus nqi them. Wisconsin cov tsev hais plaub siv cov txheej txheem nyob hauv "Tus Txheej Txheem Qhia Txog Kev Teev Tus Nqi Them Yug Me Nyuam" los teev cov nqi them yug. Tus txheej txheem yuav kws yees hais tias leej niam thiab leej txiv yuav siv nkawv cov nyiaj khwv tau los sib pab rau nkawv cov me nyuam thaum nkawd tseem nyob ua ke, thiab yuav tsum ua tib yam li rau thaum nkawd nyiaj nyob nyias lawm. Cov cav laij leb, cov qauv thiab cov ntawv siv laij cov nqi them yug muaj nyob hauv internet (Hmoob).

Puas yuav hloo tau tus nqi them yug me nyuam?
Tau. Yog tias leej niam los leej txiv cov nyiaj khwv tau los hloov los yog qhov chaw tus me nyuam nyob hloov lawm, tus nqi them yug me nyuam yeej hloov tau. Tej zaum tus nqi them yuav nce los yog yuav txo. Ua ntej tus nqi them yuav hloov, koom haum saib xyuas txog phab kev txiav nyiaj them yug me nyuam thiab tsev hais plaub yuav tsum tau xyuas tso. Leej niam thiab leej txiv yuav tau muab nkawd cov ntaub ntawv qhia txog nyiaj txiag tam sim no los qhia rau txoj kev ntsuam xyuas no. Yog tias lub koom haum saib xyuas txog phab kev txiav nyiaj them yug me nyuam rov los xyuas tus nqi them, lawv yuav xa daim ntawv ceeb toom txog qhov lawv pom mus rau leej niam thiab leej txiv. Tsev neeg tau txais nyiaj ntsuab ntawm W-2, SSI Caretaker Supplement, thiab Kinship Care cov kev pab cuam yuav muab lawv cov ntaub ntawv rov los xyuas dua peb xyoos twg ib zaug. Thov nco ntsoov, tsuas yog tsev hais plaub thiaj hloov tau tus nqi them yug xwb.

Muaj ntau yam ntxiv txog:

rov mus lawm saud

Ntawv kho mob

Ntxiv ntawm nyiaj them yug me nyuam, yuav tsum los hais txog ntawv kho mob yog tias niam thiab txiv cov nyiaj khwv tau los ntau tshaj 150% ntawm tseem fwv txoj cai rau cov neeg txom nyem siv.

Tsev hais plaub yuav txiav txim kom leej niam thiab los yog leej txiv muab cov me nyuam los ntxiv rau nkawv cov ntawv kho mob uas muaj tom chaw ua hauj lwm

  • Yog tias muab cov me nyuam ntxiv rau nws daim ntawv kho mob es tsis kim tshaj 5% ntawm nws lub nyiaj hli
  • Los yog lub tsev hais plaub mam teev ib tug nqi rau.

Tus nqi rau ntawv kho mob ces yog saib los ntwm leej niam los yog txiv muaj peev xwm them taus. Yog tias tus nqi rau niam/txiv siab tshaj 5% li teev tseg, los yog qhov chaw kho mob nyob deb tshaj 30 miles los yog 30 nas this ntawm qhov chaw tus me nyuam nyob, los yog ntawv kho mob tsis them rau tej hom mob, tej zaum tsev hais plaub yuav hais kom leej niam los yog leej txiv nrhiav lwm yam kev pab rau txoj kev kho mob rau tus me nyuam.

Them ib tug nqi txhua hli rau kev kho mob uas ntawv kho mob tsis them Piv txwv tias, tsev hais plaub txiav txim kom leej niam/txiv:

  • Them ib tug nqi txhua hli rau kev kho mob uas ntawv kho mob tsis them
  • Them ib qho nqi ntawm daim ntawv kho mob los yog BadgerCare Plus uas leej niam/txiv tod muaj rau cov me nyuam
  • Yuav them rau cov nqi ntawv kho mob no, tsev hais plaub yuav tau hloov tus nqi rau qhov nyiaj them yug me nyuam. Tej zaum qhov nyiaj them yug me nyuam yuav nce los yog yuav txo.

Yog tias tsev hais plaub hais kom niam txiv muaj ntawv kho mob rau tus me nyuam, es niam txiv muaj peev xwm them tau ntawv kho mob rau tsev neeg, lub xeev txoj cai hais tias qhov chaw muag ntawv kho mob yuav tsum txais tus me nyuam ntawd txawm tias:

  • Niam thiab txiv yeej ib txwm tsis sib yuav.
  • Leej niam/txiv ua ntaub ntawv yuav ntawv kho mob rau thaum lub caij uas tsis txais neeg tshiab.
  • Tus niam txiv tod los yog lub koom haum saib xyuas txog phab kev txiav nyiaj them yug me nyuam yog tus ua ntaub ntawv yuav ntawv kho mob.

Yog muaj lus nug hais txog cov kev cai rau ntawv kho mob, niam txiv yuav tsum tau hu rau Wisconsin Office of the Commissioner of Insurance:

  oci.wi.gov (lus As Kiv)
  125 South Webster Street
  Madison, Wisconsin 53702
  800) 236-8517
  711 (TDD) (nug tus xov tooj 608-266-3586)

Kev pab cuam ntawm phab kev saib xyuas txog kev them nyiaj yug me nyuam yuav nrog soj ntsuam thiab xyuas kom muaj ntawv kho mob uas muaj ib tug nqi kiag (xws li $50/hlis), thiab yog kev txiav txim hais kom yuav tsum muab tus me nyuam los ntxiv rau leej niam/txiv daim ntawv kho mob.

rov mus lawm saud

Kev soj ntsuam thiab xyuas rau kev them nyiaj yug me nyuam

Koom haum saib xyuas txog phab kev txiav nyiaj them yug me nyuam yuav ua hauj lwm nrog rau cov chaw ua hauj lwm kom pab txiav nyiaj ntawm tus neeg raug them yug me nyuam lub nyiaj hli thiab muab me nyuam ntxiv rau hauv nws daim ntawv kho mob. Cov koom haum no nrog soj ntsuam kom ua raws li tsev hais plaub tau txiav txim. Yog tias tus niam/txiv raug them yug me nyuam poob qab lawm, nws yuav tsum nug lub koom haum saib xyuas txog phab kev txiav nyiaj them yug me nyuam txog kev maj ma them zuj zus.

Yog tias tsis ua raws li qhov tsev hais plaub tau txiav txim, lub koom haum yuav nrog xyuas rau. Yuav muaj kev khoom xyuas txog cov nqi tshuav es tsis them mus lawm 20 xyoo tom qab tus me nyuam yau tshaj nto 18 xyoo. Cov koom haum saib xyuas txog phab kev txiav nyiaj them yug me nyuam muaj ntau yam kev pab lawv tswj txog kev them yug me nyuam. Tej yam, xws li tsub paj, cuam tshuam se ua tau los, thiab cov ntawv tsub nqi uas teev npe tsis them yug me nyuam (child support liens), thaum tus nqi nce mus txog ib theem lawm. Lwm yam xws li, tsis muab lais xee tsav tsheb, nyob ntawm tej rooj plaub. Yuav kom cov neeg ua hauj lwm siv lawv cov sij hawm ua tau hauj lwm zoo, cov koom haum saib xyuas txog phab kev txiav nyiaj them yug me nyuam siv lawm txoj kev txawj los xyuas seb lawv yuav siv yam twg los ua rau qhov hauj lwm twg rau thaum twg.

Muaj ntau yam ntxiv txog

rov mus lawm saud
Rov mus rau: Lus Qhia rau Cov Niam Txiv

Kev pab cuam nyiaj txiag

Ua cov ntaub ntawv them nyiaj yug

Lub Trust Fund nrog xyuas cov nyiaj them tuaj thiab xa cov nyiaj tawm mus thaj tsam li ob hnub uas yog hnub ua hauj lwm. Lub Trust Fund nrog tuav ntaub ntawv tseg. Cov tsev neeg tau txais nyiaj them yug yuav xaiv tau Tso Nyiaj Nca Qha Mus Rau Txhab Cia Nyiaj (direct deposit) los yog debit card. Ob txoj kev xaiv no yuav nyab xeeb thiab tsis muaj teeb meem.

Muaj ntau yam ntxiv txog:

Thov nco: yog ziag no tsev neeg tau txais nyiaj ntsuab, tsev neeg yuav tsis tau txais tas nrho cov nyiaj them tuaj. Yuav muab ib feem ntawm cov nyiaj los mus them rau cov nyiaj ntsuab uas tsev neeg tau txais tam sim no los yog yav tas los.

Yog tias leej niam/txiv raug them nyiaj yug ob tse neeg, tsev neeg twg yuav tau cov nyiaj ntawd?
Tseem fwv thiab lub xeev txoj cai yog qhov yuav qhia tau hais tias cov nyiaj sau tau los yuav them tawm li cas. Txhua cov nyiaj them tuaj yuav them tawm raws li no:

  1. coj los them kom tas rau cov nqi them yug los yog nyiaj them yug tus niam/txiv rau lub hli ntawd raws tsev hais plaub txiav txim
  2. them mus rau lwm cov nqi uas tsev hais plaub tau txiav txim rau them uas dhau lawm (Cov no yog ib tus nqi uas tsev hais plaub yeej teev meej rau them. Xws li: "$50/hlis rau qhov poob qab lawm")
  3. them mus rau cov nqi uas poob qab los yog them yug tus niam/txiv
  4. them mus rau cov paj thiab nqi tes

Ntawm no yog ib qho piv txwv:

  • Tus niam/txiv uas raug yug ob tse neeg -- $240 ib lub hli rau Tsev Neeg A thiab $160 ib lub hli rau Tsev Neeg B. Tus niam/txiv ntawd them $100 ib lub lis piam.
  • Muab $100 hauv ib lub lis piam los xam ua ntej. Vim tshuav Tsev Neeg A 60% ntawm $400 txhua hli, Tsev Neeg A yuav tau 60% ntawm $100 ntawm qhov them tuaj hauv lub lis piam ($60). Tshuav Tsev Neeg B 40% ntawm $400 txhua hli thiab yuav tau 40% ntawn qhov them tuaj hauv lub lis piam ($40).

Qhov ua tsis tau ces tsuas yog cov nyiaj ua se tau rov los ntawm tseem fwv los. Raws txoj cai lij choj, cov nyiaj ua se tau rov qab los ntawm tseem fwv yuav coj los them rau cov nuj nqi uas tshuav rau lub xeev ntawd ua ntej. Cov nuj nqi tshuav hauv lub xeev yog cov nqi tshuav es tsis them thaum tsev neeg tau txais nyiaj ntsuab. Cov nuj nqi tshuav rau them cov nqi thaum yug tus me nyuam rov qab (birth costs) uas BadgerCare Plus thiab Medicaid tau them lawm thiab cov nuj nqi tshuav hauv AFDC yog cov nuj nqi tshua rau lub xeev.

rov mus lawm saud

Lus piav txog kev them nyiaj

Child Support Online Services (lus mis kas)

Qhov no yog ib qho kev pab cuam dawb es qhia txog kev them nyiaj thiab seb nyiaj tshuav npaum li cas, thiab yuav luam tau tej ntaub ntawb nyob (yuav tau zwm npe). Cov ntaub ntawv yeej kho txhua hmo tseg hmo Sunday xwb.

KIDS Information Line

Qhov no yog ib qho kev pab cuam dawb es qhia txog kev them nyiaj ob zaug dhau los. Cov ntaub ntawv yeej kho txhua hmo tseg hmo Sunday xwb.

   (800) 991-5530 xov tooj hu dawb
   (877) 209-5209 xov tooj hu dawb TTY

Monthly Statement of Account (koj daim ntawv qhia txog koj cov nyiaj txhua hli)

Cov niam txiv uas raug them yuav tau txais daim ntawv qhia thiab daim coupon txhua hli yog lawv xa nyiaj ncaj qha mus rau hauv lub Trust Fund los yog lawv tsis tau them tus nqi kom tas rau lub hli ntawd. Lwm yam ces mam hais kom lawv cov koom haum saib xyuas txog phab kev txiav nyiaj them yug me nyuam xa tuaj hauv tsev.

Keeb kwm (Account histories)

Cov niam txiv yeej mus muab tau cov keeb kwm txog lawm cov nyiaj them hauv Child Support Online Services (lus mis kas) (yuav tau zwm npe) thiab hu rau KIDS Information Line hauv cov hnub ua hauj lwm, 8:00 am – 5:00 pm

   (800) 991-5530 xov tooj hu dawb
   (877) 209-5209 xov tooj hu dawb TTY

Child Support Notice of Collection (Ntawv Ceeb Toom Txog Kev Sau Nyiaj Them Yug Me Nyuam)

Lub hli tom qab tau txais nyiaj lawm, tsev neeg uas tau txais nyiaj ntsuab yuav tau txais daim ntawv ceeb toom. Daim ntawv ceeb toom yuav qhia rau tsev neeg seb qhov nyiaj them yug yog pes tsawg, xa npaum li cas tuaj rau lawv, thiab npaum li cas siv los mus them rau lawv cov kev pab cuam.

Debit Card Accounts

Niam txiv yuav hu tau tus xov tooj nyob sab nraum lawv daim card sab nraud. Yog xav paub ntxiv, xyuas cov ntawv xa nrog daim card tuaj. Cov lus no muaj nyob hauv internet.

rov mus lawm saud

Cov kev pab uas tsis muaj

Kev pab cuam huav phab kev saib xyuas txog kev them nyiaj yug me nyuam yuav tsis pab hais txog kev faib me nyuam thiab muaj cai rau ntawm me nyuam. Tsuas yog tsev hais plaub thiaj muaj cai hais txog cov hauj lwm no. Kev mus muab cov ntawv uas xav kom tsev hais plaub nrog xyuas txog kev faib me nyuam thiab muaj cai rau ntawm me nyuam muaj nyog internet (lus mis kas)

Cov kws lij choj sawv cev rau phav kev txiav nyiaj them yug me nyuam yuav lis cov hauj lwm kom tau nyiaj them yug me nyuam. Tiam sis, lawv txoj hauj lwm tsis yog muab tswv yim pab rau cov niam txiv.

Tus kws lij choj sawv cev rau phav kev txiav nyiaj them yug me nyuam uas tuaj rau hauv koj rooj plaub yog sawv cev rau lub xeev. Tus kws lij choj tsis sawv cev rau leej niam los yog leej txiv li. Tus kws lij choj yuav tsis muaj kev cog phooj ywg nrog rau leej niam los yog leej txiv li.

rov mus lawm saud
Rov mus rau: Lus Qhia rau Cov Niam Txiv

Xav paub ntxiv lod?

Lub koom hauv saib xyuas txog phab kev txiav nyiaj them yug me nyuam muaj teev nyob hauv phau ntawv teev xov tooj ntawm "county government" los yog pab pawg neeg lub npe thiab hauv internet.

rov mus lawm saud
Rov mus rau: Lus Qhia rau Cov Niam Txiv

Qhia ntxiv txog nyiaj them yug me nyuam

rov mus lawm saud
Rov mus rau: Lus Qhia rau Cov Niam Txiv


Updated October 25, 2011

Lus Qhia rau Cov Niam Txiv (Hmoob)


The Department of Children and Families, protecting children, strengthening families, building communities.